Veseli, Xhensila dhe Fatjoni; ballë për ballë

Big Brother Albania 8  :   Fatjoni është ulur me Xhensilën dhe Veselin. Ai është akoma i acaruar me atë që ka ndodhur dje. Puthja që ai i ka dhënë Xhensilës është e patolerueshme për Fatjonin. Fatjoni thotë se ai nuk e kupton fare atë gjest dhe se ai nuk do ia bënte kurrë dikujt tjetër. Ai merr si shembull Tean dhe thotë se ka pasur mundësi shumë herë ta bëjë këtë gjë por nuk e koncepton dot që të puthë Tean dhe pastaj të shkojë t’i kërkojë falje Fisnikut.

Fatjoni thotë se ata si djem kanë sedër. Pozicioni i Veselit nuk e nxjerr as djalë të mirë dhe as të keq edhe pse kërkoi falje. Sipas Fatjonit ai ka shfrytëzuar afrimitetin që ka me Xhensilën dhe thjesht është një djalë “legen”. Nëse Veseli e ka bërë këtë gjë sepse është i ri në moshë dhe nuk i reziston dot Xhensilës, atëherë le ta shfaqë hapur.

Xhensila nuk flet dhe nuk ndërhyn aspak gjatë kësaj bisede. Fatjoni thotë se ai po rri kaq i qetë sepse janë brenda shtëpisë së Big Brother, po të ishin jashtë do të vepronte ndryshe.