Pagjumësia e Veselit e ka emrin “Tea”

Big Brother Albania 8  :  Shtëpia më e famshme në Shqipëri ka rënë në qetësi. I vetmi banor që nuk ka gjumë është Veseli. Debati me Tean duket se e ka mërzitur më shumë se ç'pritej. Ai u lodh nga sjellja e saj dhe mori një vendim që mesa duket nuk e ka shumë të lehtë ta pranoj. Ai i shprehu Fabianit se nuk e priste që Tea të qëndronte me të në dhomë, apo që të kthehej kur ai ia kërkoi megjithatë do kishte dashur që ajo të mos ishte kthyer, në vend që të bënte atë sjellje dhe ta ofendonte duke hedhur në tokë dedikimet e tij.

Mirëpo në dashuri falet dhe sidomos në dashurit e lindura në të tilla kushte. Në një moment që Tea nuk ishte në dhomën e gjumit Veseli i rivendos dedikimet e tij brenda këllëfit të jastëkut të Teas dhe i kërkon Fabianit që të mos tregojë. Tea ende nuk ka kuptuar gjë.

Pas debatit me Veselin, as ajo nuk ndihet mirë. Tea është e mërzitur dhe mundohet që ta kalojë këtë situatë, por ajo nuk e përballon dot indiferentizmin e Veselit. Ajo i gjuan me jastëk dhe mesa duket ai sinjal i dhënë nga Tea është marrë shumë mirë nga Veseli.

Veseli tashmë është i pagjumë. Në mendjen e tij kalojnë njëmijë e një gjëra. Ai qëndron i ulur në shtrat dhe vështron Tean teksa fle. Dilema më e madhe e tij është të mbajë qëndrim, apo të krijojë sërish afrimitet. Ora kalon dhe Veseli ende mendohet. Vendimin e tij do na duhet ta kuptojmë vetëm disa orë më pas kur Dielli të ketë lindur dhe pse Tea është zgjuar dhe e shoqëron në heshtje.